गुल्मीमा मोटरसाइकलबाट खसेर एक जनाको मृत्यु

✍ प्रदिप ढकाल    1 year ago

गुल्मीमा मोटरसाइकलबाट खसेर एक जनाको मृत्यु भएको छ । जिल्लाको गुल्मी दरवार गाउँपालिका वडा ६ मा लु २७ प ७३९० नम्बरको मोटरसाइकलबाट खसेर ८४ वर्षिय दोर्णनाथ कंडेलको मृत्यु भएको जिल्ला प्रहरी कार्यालय गुल्मीका प्रहरी निरिक्षक चुरामणी पुनले बताए ।


सोमबार दिउँसो कंडेल मोटरसाइकलमा सवार गर्ने क्रममा खसेर घाइते भएपछी उपचारको लागि श्रृङ्गा प्रथामिक स्वास्थ्य चौकीमा उपचारको क्रममा मृत्यु भएको प्रहरीले जनाएको छ ।

मोटरसाइकलमा सामान सहित सवार गरेका कंडेल बाटोमा खसेको चालकले प्रहरीलाई बताएका छन् । मोटरसाइकल चालक ३२ वर्षिय बिष्णु बिकलाई नियन्त्रणमा लिएको प्रहरी निरिक्षक पुनले बताए । घटना बारे थप अनुसन्धन भइरहेको जिल्ला प्रहरी कार्यालय गुल्मीले जनाएको छ ।