के भयो, जब ऐश्वर्या र सलमान कार्यक्रममा सँगै पुगे ?

✍ बिप्लब पोख्रेल    2 years ago


बलिउड फिल्म निर्देशक सुभाष घईले हालै आफ्नो जन्मदिन मनाएका छन् । यो मौकामा फिल्म इन्डष्ट्रिका विभिन्न सेलिब्रिटीको उपस्थिती रह्यो । यो कार्यक्रममा नायक सलमान खान र नायिका ऐश्वर्या राय बच्चन पनि उपस्थित भए ।

एक भारतीय मिडियाका अनुसार ऐश्वर्या र सलमान एकैपटक कार्यक्रममा पुगे । दुबैको आमने–सामने पनि भयो तर उनीहरुले एक–अर्कालाई नजरअन्दाज गरेको बताइयो ।

मिडिया रिपोर्टलाई मान्ने हो भने सुभाष घईको यो पार्टीमा ‘एन्ट्री’ र ‘एग्जिट’ भिन्न थियो । पार्टीमा सलमान र ऐश्वर्या दुबै एक–अर्काको नजिकसमेत नपरेको रिपोर्टले जानकारी दिएको छ ।

स्मरण रहोस्, सलमान खान र ऐश्वर्या फिल्म ‘हम दिल दे चुके सनम’ मा नजिक भए । त्यसपछि यी दुईबीच प्रेम बस्यो ।

एक अन्तरवार्तामा सलमानले आफू ऐश्वर्यालाई अत्यधिक माया गर्ने बताएका थिए ।